စေတီတော်၊ ပြည်သူနှင့် စီမံကိန်း ဘယ်လိုဆက်သွားမလဲ

ဝေဖန်မှုအမျိုးမျိုးတို့ကြားမှ လူထုစိတ်ဝင်စားနေသော ဒဂုံစီးတီးစီမံကိန်းမှာ ယခုအခါရပ်ဆိုင်းရန်
အခြေအနေ တစ်ခု အထိဖြစ်လာပြီ ဖြစ်သည်။ သမိုင်းဝင်သာသနိက အဆောက်အဦးတို့နှင့် နီးကပ်စွာတည်ရှိခြင်း၊ အောက်ခံမြေကြော၊ ရေကြော ဆက်စပ်မှုတို့နှင့်ပတ်သက်၍ ရွှေတိဂုံစေတီတော်ကြီး ရေရှည်တည်တံနိုင်ရေးအတွက် ထိခိုက်မှုရှိလာနိုင်သည် ဟူသောမြို့ပြနှင့်ဗိသုကာ ပညာရှင်များ ဝေဖန်ထောက်ပြသည့် အဓိကအကြောင်းရပ်တို့ကြောင်း ပြည်သူအများ စိုးရိမ်ပူပန်လျက်ရှိနေသည့်အဆိုပါ စီမံကိန်းမှာ ယခင်စစ်ရုံးချုပ်မြေနေရာအား ပုဂ္ဂလိကသို့ လက်လွှဲရောင်းချခဲ့ရာမှ၁၂ ထပ် အဆင့်မြင့်အိမ်ရာ စီမံကိန်းကို Marga Land Mark Development Company မှအကောင်အထည်ဖော် တည်ဆောက်ခဲ့ခြင်း ဖြစ်သည်။ အဆိုပါ ကုမ္ပဏီတွင် ဟောင်ကောင်၊ကိုရီးယားနှင့် အင်္ဂလန်နိုင်ငံတို့မှ ရင်းနှီးမြုပ်နှံသူများ ပါဝင်ကြောင်း သိရသည်။ Marga Landmark ကုမ္ပဏီမှ ရှယ်ယာ ၇၀ ရာခိုင်နှုန်းနှင့် ပြည်တွင်းအခြေစိုက် သုခ ရတနာ ကုမ္ပဏီက ၃၀ ရာခိုင်နှုန်းတို့ဖြင့် အကျိုးတူ လုပ်ကိုင်ခြင်း ဖြစ်ပြီး၊ ၂၀၁၄ ခုနှစ် ဇွန်လပိုင်းမှစ၍ အကောင်အထည်ဖော်
 ဆောင်ရွက်ခဲ့ခြင်းဖြစ်ကြောင်း သိရသည်။
ရန်ကုန်မြို့ပြ အမွေအနှစ် ထိန်းသိမ်းစောင့်ရှောက်ရေး အဖွဲ့ (YHT) က ပြောကြားရာတွင် အဆိုပါစီမံကိန်းမှာ ရန်ကုန်မြို့တော် စည်ပင်သာယာရေး ကော်မတီ၊ အခြားမိတ်ဘက်အဖွဲ့အစည်းများ ကြိုးပမ်းလျက်ရှိသည့် မြေအသုံးချမှုဇုန်များ သတ်မှတ်ခြင်းနှင့်မြို့ပြဆိုင်ရာ ထိန်းချုပ်မှုများနှင့် လိုက်လျောညီထွေ မရှိကြောင်း
ကိုလည်း ပြောကြားခဲ့သည်။
ပြည်သူအများအမြင်၌မူ သာသနာ့နယ်မြေနှင့် နီးကပ်စွာတည်ရှိနေသည်က တစ်ကြောင်း၊အဆင့်မြင့် ၁၂ ထပ် လူနေရပ်ကွက် အဆောက်အဦးများ ဘုရားဝတ်ဝန်းကျင်တွင် တည်ရှိပါကဘုရားကြီး၏ ဂုဏ်ကျက်သရေနှင့် အများပြည်သူ ဖူးမြင်နိုင်မည့် မြင်ကွင်းကို အတိုင်းအတာတစ်ခုအထိ ပိတ်ကွယ်ကာဆီးထားမှု ဖြစ်နေသည်က တစ်ကြောင်းနှင့် ပညာရှင်တို့ထောက်ပြကြသည့် မြေအောက် ရေကြောမြေကြော ပျက်စီးမှုများကြောင့် ဘုရား တည်ရှိနေမှုကို အန္တရာယ် ပေးလာနိုင်မှုတို့ကြောင့် ဝေဖန်ကန့်ကွက်မှုများ ပိုမိုများပြား
လာလျက် ရှိသည်။၂၂ ဧက ကျယ်ဝန်းသော အဆိုပါမြေဧရိယာအား အများပြည်သူနှင့်ဆိုင်သော
 ဘာသာရေးနယ်မြေနှင့် နီးကပ်စွာ တည်ရှိနေသည့် အားလျော်စွာ အမျိုးသားယဉ်ကျေးမှုဆိုင်ရာ၊
ဘာသာရေးဆိုင်ရာ၊ အများပြည်သူ အပန်းဖြေနားနေရာများ အဖြစ်သာ အကောင်အထည်ဖော်
 ဆောင်ရွက်သင့်ကြောင့် လူမှုကွန်ယက်များနှင့် ဘာသာသာသနာမြတ်နိုးသူပြည်သူများမှ ဆန္ဒ
ထုတ်ဖော်ပြောကြားခဲ့ကြသည်။
ထိုကန့်ကွက်မှုများကြောင့် ရန်ကုန်မြို့တော်စည်ပင်သာယာရေး ကော်မတီမှ Dagon City စီမံကိန်းအား ယာယီရပ်ဆိုင်းမှုကိုသတင်းထုတ်ပြန်ခဲ့ပြီး စစ်ဆေးညှိုနှိုင်းဆောင်ရွက်ရန် ကော်မတီတစ်ရပ်ကို
ဖွဲ့စည်းခဲ့သည်။
ရွှေတိဂုံစေတီတော် ကာကွယ်စောင့်ရှောက်ရေးအသင်းမှလည်း လူထုသဘောထား ဆန္ဒကောက်ယူမှုများကို ပြုလုပ်ခဲ့ကြကာ ယခု ဇွန်လ တတိယပတ်အတွင်း၌ ရန်ကုန်တိုင်းစစ်ဌာနချုပ်တိုင်းမှူး ဦးဆောင်သော
အဖွဲ့မှ ရွှေတိဂုံ စေတီတော် ကာကွယ်စောင့်ရှောက်ရေး အဖွဲ့နှင့် အောင်ဆန်းတောရတပ်ဦးကျောင်းတွင်း တွေ့ဆုံဆွေးနွေးခဲ့ကြရာမှအဆိုပါ Dagon City Project အား ရပ်ဆိုင်းရန် ကတိက၀တ် ရရှိခဲ့ကြသည်။
ဆွေးနွေးညှိုနှိုင်းအဖြေရှာမှုများ ပြုလုပ်လျက်ရှိနေသည့်အားလျော်စွာ ပြည်သူကိုယ်စားပြု အဖွဲ့အစည်းများ အနေဖြင့် ရှေ့ဆက်တိုက်တွန်းလှုံ့ဆောင်သွားနေဦးမည့် အနေအထားရှိနေပြီး၊ ဌာနဆိုင်ရာ တာဝန်ရှိသူများ နှင့် နယ်မြေ စစ်ဘက်ဆိုင်ရာ တာဝန်ရှိသူများအနေဖြင့်လည်း ပဋိပက္ခဖြစ်ရပ်များ မဖြစ်ပေါ်စေရန်
ထိန်းသိမ်းဆောင်ရွက်လျက်ရှိသည့် အနေအထားရှိနေသည်။ လက်ရှိအခြေအနေအပေါ်တွင်
Dagon City Project တည်ဆောက်ရေး အကောင်အထည်ဖော် တည်ဆောက်ခဲ့ကြသည့် ပုဂ္ဂလိက
လုပ်ငန်းရှင်များ၊ ရွှေတိဂုံစေတီတော် ကာကွယ်စောင့်ရှောက်ရေးအဖွဲ့၊ အာဏာပိုင်အဖွဲ့အစည်းများနှင့်
အစိုးရ တို့အနေဖြင့်လည်း စီမံကိန်းအပေါ် မည်သို့မည်ပုံ ပြောင်းလဲသတ်မှတ်၍ ဆုံးဖြတ်ချက်ချမည်
ကိုတော့ ဆက်လက်စောင့်ကြည့်ရမည် ဖြစ်သည်။

Posted By Myanmar Highways